اقوال فلاسفة واسئلة هامة عن الحب!!!!!!!

بصى يا ستى كلامك مظبوط جدا بس هو الحب موجود وهيجى يوم تحسى بيه

اصلا مش صح الحب قبل الجواز ده كله بيبقي لعب عيال وكلام فاضي الحب الصح هو الحب بعد الجواز لان الشخصين بيكونوا عرفوا طبع بعض واتعودوا علي بعض وبيكافحوا مع بعض وكده

طب افرضى يا ستى لاى ظرف من الظروف ما حبوش بعض ...ايه الحل دلوقتى يطلاقو ولا يعيشو مع بعض و هما بيكرهو بعض...... هتبتدى بقى المشاكل الزوجيه والراجل يبتدى يدور على اللى هو مش لاقيه فى بيته برة عشان اى حد بيدور على الحب

طيب علي فكره في دراسات اثبت اني اغلب الجوازات اللي بتفشل وتنتهي بالطلاق بتكون جوازات عن حب واني الجواز اللي بينجح هو جواز الصلونات

معني كلامك كده ان اغلبية جواز الصالونات بتنجح ...........بس للاسف الحقيقة غير كده لان في ناس بتتجوز وبتقول زيك انهم هيعرفوا بعض بعد الجواز بس بعد ايه بقي بعد ما تخرب مالطة ويكونوا خلفوا وتبقي الحياة صعبة ومبيقدروش يكملوا ف النتيجة المعروفة ...الطلاق ...... وفي اغلبية الحال بتطلع العيال صيع متشردة
ده بالنسبة لجواز الصالونات

طب ليه بيعملو فتره خطوبه قبل الجواز ...؟ عشان لو حبو بعض يكملو ولو محصلش نصيب يبقى مفيش جواز .....انما لو الحب بعد الجواز يبقى ليه مش يتجوزو على طول من غير خطوبه

لا فتره الخطوبه عشان يتعرفوا علي بعض ويشوفوا هل طباعهم متقاربه وممكن يقدروا انهم يكملوا ولا لا بس مش عشان يحبوا بعض ومش شرط كل الناس اللي بتتجوز انهم يحبوا بعض فب الخطوبه ممكن بس يكون في قبول في الخطوبه بعد الجواز بيتحول لحب

طيب ان امش هناقشك بس ان هسالك سؤال واحد ؟
هل كل اللي بتتخطب وبتتجوز بتبقي مقتنعة باخلاق الشخص اللي هي هتنجوزه ؟
و اذا كانت الاجابة اه .........هل ده يمنع ان فيه ناس كتير بتمثل

طيب ما هو لازم الاهل بيسالوا علي الشخص ده الاول وبعدين بيبان الشخص اللي بيمثل من الشخص المحترم فعلا

انا شايف ان موضوع السؤال ده بقي روتيني اووووي
وخصوصا في بلدنا دي لو روحت سالت ع حد حتي لو هو ايه.... مجرد اللي بتساليها ما يعرف انه موضوع جواز بيغير كلامه ع طول .
اما الانسان المحترم بيقي باين عليه فعلا بس الكلام ده لما يبقي فيه عشرة ......لكن في فترة الخطوبة كله بيحاول يبين احلي مع عنده لحد الجواز ساعتها يبقي الطرفين ادبسووووا وساعتها حلني بقي يا معلم

انتى بتقولى كده عشان اكيد مش حبيتى قبل كده و لو فى تجارب اكيد كان لعب عيال....و هيجى يوم و تعرفى ان الحب اهم حاجه فى الدنيا ...انا رايي الحب اهم من الجواز ......

انا معاك يا احمد فى كل اللى قولتهاالا فى ان الحب اهم من الزواج. بصى يا(سنو) انتى فعلا بتقولى كده علشان مش حبيتى ................ بس انا معاكى ان مش لازم يكون فى حب قبل الزواج(بس نسبة مش كبيرة بتنجح)واللهى شوفت ناس كتير متزوجة وعندها مشاكل كتير , طبعا كنت بتوقع انهم اتجوزا مش عن الحب وجود الحب شئ مهم. بس الدنيا بتمشى مع ناس القاعدة استثناء والاستثناء هوا القاعدة,وانتى طالما شايفة ان الحب بعد الزواج هوا اللى بيدوم يبقى انتى اكيد هتحرصى على كده وزواجك اكيد هينجح ان شاء الله, اما انت يا احمد فكر بردوا فى الزاوج لان ربنا قال (وجعل بينكم مودة ورحمة)يعنى معانى اسمى من الحب.

ارد عليك من وجهة نظرى المتواضعة... اولا:الحب فعلا نعمة ومش فقدناها ولا حاجة وهيفضل موجود بينا ديما حب الاهل والاصدقاء والاحباب. ثانيا:الحب مش اعمى ,احنا بنبقى عارفين انها عيوب فى حبيبنا من وجهة نظر الناس, بس فى عيون اللى بيحب بتبقى احلى حاجة فى الدنيا,وطالما حبيبه هوا اللى بيعملها بتبقى احلى حاجة وبنوجد ليه الف مبرر. ثالثا:ازاى الواحد يتاكد من الحب ,من رايى ان ده بيتحس , مش مهم الكلام.رابعا:الزاوج مش بيقتل الحب خالص,هيا بس المسؤلية وضغوط الحياة, بيبعدهم شويةعن بعض , اكيد فى لحظة صفى الدنيا بينهم بترجع تانى, والاطفال طبعا عامل مهم فى تحسين العلاقة. خامسا:الحب بيضعف؟طبعا ديه اهم واوحش حاجة فى الحب, لان الضعف بيتبعه تضحيات كتير,ممكن تيجى على كرامة طرف فيهم بعدين. سادسا:الحب كلامفارغ للمراهقين وطلبة الثانوية العامة.وطبعا لو خالف شرع ربنا. سابع: الفرار من الحب لمابيجى على كرامةحد والتانى يرد بقسوة. 8-الحب بيموت لما شخص من الاتنين يسيب الدنيا, غير كدهلو مات الحب الشخصين موجودين يبقى مش كان بينهم حب اصلا. 9-الحب طاقة غريبة وطبعا لو كان حب فى نور اكيد هيدى للطرفين ثقة جامدة جدا,لانه دونا عن باقى البنات اختارها هيا, وهيا دوناا عن باقى الرجاله اختارته. واخير لانى تعبت من الكتابة...........كل شئ فى الدنيا نصيب ,والايام دوارة,ممكن حد يحب حد ويفترقوا ..سنين وفى الاخر يتجمعوا علشان فيهم نصيب لبعض...........

انا اعتقد ان الحب هو اصعب حاجه ف الدنيا وصعوبته جايه م اختيار الشخص المناسب مع ان الواحد ممكن يحب حد لدرجه انه يبقى مقتنع م جواه انه الشخص المناسب ليه بس مع مرور الوقت بيكتشف انه اكبر غلطه ف حياته وع فكرة جواز الصالونات مش بينفع مع كل الناس وبيبقى اصعب م الحب نفسه ع الاقل بتكونى عرفتى الانسان اللى حبتيه مش واحد انتى مش تعرفى غير اسمه وشغله وبس

كلما زاد الفهم .....زادت المسئولية

انا مقولتش انى هحب بس من غير جواز معنى كلامى انى مش هتجوز من غير حب

بصى يا برى انا برفض تماما فكره الربط بين الحب و الطرف الاخر .الحب شيى عظيم فى حد زاته بغض النظر عن الطرف الاخر. مثلا لو انتى قدامك حاجه لونها ابيض و انتى لبسه نضاره صفرة هتشوفيها لونها اصفر و لو لبسه نضاره حمره هتشوفيها حمره!!السوال ..هل الحاجه دى لونها بيتغير؟..لا طبعا.
لو الحد اللى انا اختارته طلع كويس يبقى الحب حلو ولو طلع مش كويس يبقى الحب وحش.
لما يكون الواحد قلبه من جوه كويس بيشوف الناس كلها كويسه و هنا بقا بيجى دور العقل هو اللى يحدد اذا كان فعلا كويس او لا

كلامك منطقى بس انا لسه عند رايى الحب لما بيمتلك انسان ممكن يرفعه لفوق او يدمره وفى اغلب الحالات بيبقى التدمير وانا بالنسبه ليا الحب يساوى ضعف وهروب م الواقع

ديما انتو بتفكرو بقلبكو بس و القلب مش عنده وسطيه يا ابيض يا اسود اول العلاقه بيبقى ابيض ولما تنتهى بيبقى اسود
شوفى الموضوع ده
https://chemistalk.yoo7.com/montada-f6/topic-t252.htm#1391