فكرة ممكن تكون حلوة

فكرة اكيد هتساعد كتير مننا في انه ازاي يعرف يتكلم بطلاقة امام الناس من غير مايخاف فلان هيقول عليه ايه لو غلط
ايه رأيكوا لو نحطم الخوف ده وفي نفس الوقت نستفيد كتير جداااااااااا
الفكرة باختصار شديد هي ابحاث صغيرة ........نقسم نفسنا مجموعات كل مجموعة ليها رائد ومن كل الرواد دول نختار رائد للقسم وكل مجموعة مسؤولة عن اي موضوع في المنهج تختارة بكامل حريته ويبلغة لرائد القسم بحيث ان المواضيع ماتتكررش وكل اسبوع مجموعتين تقوم تشرح المواضيع اللي عملوها وبكدة على اخر الترم يكون الكل استفاد من كل المواضيع العلمية اللي اتعرضت وكلنا اتغلبنا على حاجز الخوف اللي من جوانا سواء من الدكاترة او من اصحابنا اللي حوالينا .......وبفكر يكون الدكتور المسؤول عن الفكرة دي هو دكتور احمد مصطفى بحكم انه اكتر واحد اتعاملنا معاه .........ايه رايكم ؟؟؟؟؟
يا ريت تبعتولي رد على الفكرة دي عشان لو موافقين نبدأ نعرضها على باقي الناس في القسم عشان انا خايفة اعرضها لحسن حد مايتقبلهاش...............

حلوة الفكرة دي وانا معاااااااااااااااااااااااااكوا

المشكلة اني مش عارفة اعرض الفكرة دي على الناس ازاي

بصي في وحدة دايما كده هي المتحدث الرسمي بتاعنا قوليلها وهي هتقول للناس كلها

ياااااااااااارجل ما لقيتش غير احمد مصطفى ... ي عم شوف حد تانى
بس تشوف ليه دا لو حد وافق اساسا ... يا كبير الحياة كده لذيذة ...ما فيش احسن من السلاطه اللى احنا عايشين فيها بلا قائد بلا كلام فارغ ... نام كويس يا كمال ربنا يكرمك و ما تاكلش قلبظ كتير ههههههههههههههه

على فكرة الحياة ماهياش مذاكرة وهزاروبس.... ممكن نعمل حاجة نستمتع بيها وفي نفس الوقت نستفيد ونتعلم مهارات جديدة ..ايه المشكلة لما نعرض موضوع جديد بافكار جديدة على الناس ونبدا نتناقش فلان اداءه حلو او لا ونتناقش في الموضوع ولو مش عاجبك د/احمد مصطفى مش مشكلة افتكر اننا كبار بالقدر اللازم اللي يخلينا نتحمل مسؤولية زي دي بس المشكلة في تفكير بعضنا ان ده هيضيع وقتنا الثمين ...بس انا ماقولتش اننا نعمل موضوع من100000ورقة ده كل واحد من المجموعة هيعمل فكرة واحدة ويكتب فيها ورقة على الاقل هو ده هيضيع وقت بالله عليك ..ده مش هياخد منك اكتر من ساعة على النت ,الهدف من الفكرة دي اصلا اننا نعرف نتكلم امام الاخرين ونتعلم اسلوب النقاش وتقبل اي نقد من الاخريين وده هيفدنا كتير مثلا في مشروع التخرج وفي الشغل وحاجات كتير فيا ريت مانستهونش بالموضوع ..

معاكى حق يا شوشو وع فكرة ف بنات كتيره ف القسم بتتكسف
بنات اخر زمن

بنات اخر زمن حلوة دي ............هههههههههههههههههههههه

ههههههه يا جماعة معلش انا ما اعرفش ان فى حد شغال فى هئية الشئون الاجتماعية و تعلم الاداب ... يا انسة اما انتى بتتكلمى عن اسلوب التعامل ياريت يبقى اسلوبك احسن من كده شويه انا كنت بهزر مع محمد كمال و بس انتى كبرت الموضوع قوى و كانى انا عملت جريمة ... على فكرة انا كنت واخد الموضوع جد بس عشان طرقتك ديه انا خلاص اتخنقت منه اساسا .... جامدين اوى الكلمتين اللى فى الاخر دول بجد قطعو قلبى (نتكلم مع الاخرين .. و نتناقش) بالاسلوب ده ... لا جمييييييييييل اوى

براحة شوية يا جماعة وياريت ناخد بالنا من كلامنا وعاوزين نوصل لحل مش منعقد بعض
ويا ريت نتكلم في الموضوع ده اكتر عشان نوصل لحل يرضينا كلنا

يا جماعه مش حصل حاجة علشان كل ده وخلاص يا عم احمد انا هكتب بدل منك
وانت يا شيماء مش تزعلى نفسك علشان هو اصلا بيهزر مع صاحبه
هو المنتدى ده مش ليه كبير ولا ايه

لا طبعا المنتدي ليه كبير وانا الكبير واللي ................. مش هسيبه

ههههههههههههههههههههههههههههههههههههههههههههه

عشان خطرك بس يا bery
الكبير كبير يا ابو كمال ... و حصل خير يا جماعة

الصراحه انتي يا شيماء عندك حق في كل كلامك وهيه فكره جامده وما تهتميش باي حد يضايقك لان اكيد الحد ده مش فاهم اهميه الفكره اللي بتعرضيها بس ياريت نحاول نعمل الفكره ديه لانها حتفيدنا اوووي بجد

بس ياريت بقا يا جماعة علشان ما يحصلش ده تاني لازم كلنا نلتزم بقوانين المنتدى اللي مزكورة قبل اشتراك اي عضو فينا لو حققنا دة صدقوني الدنيا هتبقى احلى على العموم يا جماعة حصل خير

يااااااااااه انا على فكرة مش فاضى ارود على اى حد هيوجع دماغى بكلامه ..
لو سمحتوا يا جماعة كل واحد او واحدة يعرض رايه و مالوش دعودة بحد عشان الحياة تبقى لذيذه ... شغل المحامين دا جااااااااامد موووووووووووت بس انا مش بحبه

ايه يا جماعة كده مش هينفع كده هنزعل من بعض يا ريت كل الناس تلتزم بقوانين المنتدي ونحترم راي بعض

يا جماعة انا يمكن ماليش نشاط ملحوظ فى المنتدى....
او ماليش نشاط اصلا..........
بس لازم نتعلم نتحاور مع بعض بشكل افضل من كده....
عشان المفروض اننا ناس كبار و مسئولين...
,ياريت ماحدش ياخد الكلام باستخفاف من اللى بيقولوا,
أما بالنسبة للفكرة هى حلوة....
بس فى ناس فعلا عندها القدرة على التكلم بطلاقة كمان....
فممكن تبقى الاستفادة من النقطة اكبر....

الله ينور عليك يا عمدة

ايه ياجماعة كل ده الموضوع مش مستاهل كل الكلام الكبير ده انا اعرف احمد واعرف شيماء معرفة سطحية واعتقد ان هما شخصبات محترمة واكيد اللي حصل ده سوء تفاهم بسيط .
وعلي العموم انت ياحمدالمفروض انك راجل والراجل دايما دماغه كبيرة وكان المفروض انك تتعامل مع الموضوع بنوع من السياسة اللي تقدر بيها تحرج اللي قدامك وتاخد حقك برده .
امابالنسبة لشيماء فانت علي فكرة فكرتك حلوة جدا بس اللي اهم من الفكرة هو احترام اراء الاخرين فيها والانسان الذكي اللي يتعلم من المواقف اللي بتمر عليه والاخطاء اللي بيوقع فيها علشان خبراته تزيد ودماغه تعلي .
اما به لشغل المسخناتيه ده فياريت بلاش منه لان كلنا محترمين ولينا كبير ولا ايه يابو كمال .

شكرا يا دريم ميرسى ليك اوى

اكيد يا دريم ليها كبير واللي حص ده مش هسمحله يحصل تاني

فاصل وعدنا..على فكرة انا بشكر كل الناس اللي رحبت بالفكرة وحتى اللي مارحبش بيها فاختلاف الراي لا يفسد في الود قضية وبعدين احنا هنا في المنتدى كلنا زمايل وماينفعش نزعل من بعضينا حتى لو حصل سوء تفاهم بسيط لاننا اكيد بنحترم بعض..
المهم...الميد ترم خلص وخلاص كل سنة وانتم طيبين لان الترم كدة خلص ههههه
بس بجد والله انا ناويه انفذ الفكرة دي ان شاء الله واعرضها على الناس اول الترم الجاي..

بمناسة الكلام ده انا عاوز انا كمان اعتذر عن اللى حصل و عن سوء التفاهم ده بس برده مش هشترك فى الفكرة ديه هههههههه ( طبعا بهزر )
و اعوتكم انى هبطل شقاوة و ازعاج و كل ميت ترم و انتو طبييبين

شوشو الفكرة حلوة اوى وممكن نبدا فيها قبل امتحان العملى وانا مستعدة اكلم د/احمد مصطفى لانى فعلا عرضت عليه حاجة شبه كده بس ليها علاقة بالعملى عموما احنا ممكن نقعد كلنا ونتفق وان شاء الله اقنع البنا ت سيبوهم عليا وان شاء الله تتنفذ ونكون اول قسم فى تاريخ كيمياء منفرد متعاون(يارب) يحصل كده.........معاااااااااااااااااااااااااااكوا بس حد يرد عليا لو كان لسه الموضوع فى دماغكم

طبعا من غير اعتزار يا كابتن احمد احنا كلنا زمايل واخوات..
اما بالنسبالك يا فوفه ..فانا مبسوطة جدا ان الفكرة عجبتك وبما ان محدش اعترض عليها في المنتدى فدى فعلا هيشجعني اني اعرضها عليكو في القسم ونبقى نرتب مع بعضينا ونعرضها كلنا وبعد ماناخد موافقة كل الناس نقول لدكتور احمد مصطفى ونرتب معاه...ويا رب تنجح الفكرة

يا جماعة الفكرة حلوة وكل حاجة............
بس ياريت من غير المعيد ده بالذات.........
زى ماقلت قبل كده احنا مع بعضينا فى القسم فينا تقريبا كل الشخصيات.....
المتكلم والقيادى والمدافع الخخخخخ......
فلما تبقى بيننا و بين بعض احسن......
عشان لو مصممين على المعيد ده........
اوعدكم ان الموضوع هيبقى نسائى فقط......
يعنى مفيش حد من الشباب هيشترك تقريبا.....

بجد عماد عنده حق فى كل حاجة انا كنت هاقول كده بظبط بالزات فى حته هتبقى نسائية هتتعبنى اوى انا كل الشباب عشان هنحس الظلم

مش لازم دكتور احمد لو ده هيضايق حد وبعدين احنا كلنا كبار وهنعرف ننفذ الفكرة وبشكل افضل كمان ..انا اهم حاجة عندي ان الناس كلها توافق وتبقى مقتنعة بالفكرة

اوك ياجماعة ومش فى حاجه اسمها نسائى وبس كلنا واحد والمصلحة واحدة المهم نتفق وياريت من بكره

هو ده الكلام ..تعجبني القرارات السريعة

ماشى يا شوشو بس ياريت الكل يكون متحمس كده وربنا يسهل امنية حياتى القسم ده بجد يتغير ويكون احسن قسم فى تاريخ الكليه لانى بحبه اوى مع انه ساعات بيرخم وبيخنق بس مش لينا غيره هنعمل ايه؟

ايه فين الناس اللى كانت موافقة وفضلت تقول فكرة جامده؟؟؟؟؟؟؟؟؟؟؟؟؟؟؟؟؟؟؟؟؟؟

خطرت على بالي فكرة في رايي انها روعة ..بس طبعا لما الفكرة الاولى تتنفذ
لو الفكرة اللي انا عرضتها اتنفذت صح نقدر ناخد كل الابحاث اللي احنا عملناها ونجمعها ونعملها مجلة علمية وكل موضوع يبقى عليه اسم المجموعة اللي قامت بتنفيذه ونوزع المجلة دي على كل قسم في الكلية على حد تصوري الفكرة دي محتاجة عناء شوية وممكن تتنفذ على مدى من الوقت واسع احنا لسة معانا السنة الجاية ...
نفسي اعرف اجمع الناس واعرض عليهم الفكرة بس مفيش حد بيديني فرصة حتى لما كتبت يوم الخميس على السبورة للناس انها تستنى بعد محاضرة الالكترو الناس اللي قرتها طنشت ومشيت ؟؟؟؟؟؟؟؟؟؟؟؟؟

ع فكرة الفكرة التانيه جامدة اوى ويارب نعرف نعملها
ع فكرة انا مش شوفتك وانتى بتكتبى حاجة اوعى تزعلى
يا جميل

يا جماعة احنا ان شاء الله مستعدين خلاص
شوف هتبداو باى مادة و قولو فى الكلية او على المنتدى و ان شاء الله هنكون معاكو
انا بتكلم على الجروب بتاعتى و بس
لو سمحتو ردو عليا عشان نعمل حسابنا
و بالتوفيق ان شاء الله

المشكلة ان الحكاية محتاجة تنظيم وده مش هيحصل الا لما نعد كلنا مع بعض ..لو حد فيكو يعرف يجبلنا مدرج فاضي يوم الاثنين نتجمع فيه بعد المعمل لمدة نصف ساعة يبقى كويس جداااااااا

ماشى يا انسة شيماء ان شاء الله هتجمع بعد المعمل و نشوف هنعمل ايه

واحنا معاكوا ان شاء الله وميرسى على تعاون الاولاد

ميرسى على تعاون الاولاد ( الاولاد )
دا انا حتى حاتت صورة على المنتدى بزمتك كل ده ولد
(ولد خلبوس انا عارف ) يعنى قولى الشباب مثلا اى حاجة
لا واضح انهم ماتو فعلا فى الحرب كلهم هههههههههه

واللهى سورى مش كنت اقصد بس انا متعوده اقول بنا ت واولاد وعموما مرة ثانيا ميرسى جدا لكل شباب قسمنا اللى وافق منهم على الفكرةوربنا يقدرنا ونكملها وكلنا نستفيد ان شاء(الله)

طب ايه الفايدة يا وفاء واحنا لا عارفين ننظم نفسنا ونقسم نفسنا لمجموعات ونبدا نختار المواضيع ولا عارفين نعمل حاجة ...حتى الناس اللي وافقت مالقتش منها اي اهتمام ...بصراحة حاسة ان الناس استهزاوا بالفكرة اوي

ولا تعزلى ياشوشو صحتك بالدنيا لو هتوصل انى الفعلى واحد واحد فى القسم علشان اقنعهم واللهى لمصلحتهم هاعملها ياباشا وبس بالله عليكى ماتزعلى واللهى بكره هاتكلم تانى معاهم بس الاول نحدد كلام وخطوات نعملها علشان هما كمان يحسوا ان كلامنا منظم وفعلا فى شغل صدقينى قسمنا ممكن يتعاون وبرحمته ربنا بس محتاج اننا واحنا بنصلى الفجر ندعيله شويتين

مين الي مات يابو خالد ..........وهى فين الحرب............@.......

بجد انا بقولها وكلى اسف وزعل ان قسمنا ده (ندمت انى حبيته وفكرت اننا نكون حاجة واحدة)بس بجد عمره مش حصلت انى افهم الناس غلط كنت فاكره الناس متعاونة اكتر من كده بكتير بس الظروف اللى مش كانت بتسمح ليهم بسبب الضغط بتاع الكلية بس للاسف لما جات الفرصة اننا نستفيد (واللهى كنا كلنا هنستفيد)شوية وافقوا وشويه مش ليهم دعوة اصلا باللى بيحصل وشوية اللى بيجرب ها يخسر ايه ؟ يعنى بجد ليه كده كان نفسى بجد نكون حاجة واحدة ونتفق دايما واللهى كلنا هنبقى احسن ومش حد بياخد تقدير حد كه مقدر وكتوب(بس بردوه بحب القسم)اعمل ايه؟

يا جماعة كل الاقسام تانية بيعملواسيرشات اشمعن احنا مش متعاونين قسم حيوان وبايو اشمعن احنا واحنا المفروض كيمياء منفرد حرام نخلص الكلية واحنا مش عملنا فيها حاجة نفتكرها وتكون حاجة كويسة فى السى فى بتاعنا (واللهى فينا ان مش كان كلنا نابغات واحنا مش حاسين بنفسنا)واللهى شوية تركيز واهتمام واحنا هنبقى احلى دفعة حصلت فى الكلية

بتكلمي مين يا وفاء الناس عاملة ودن من طين والتانية من عجين (اقل تعبير ممكن يتقال) .....اللي شوفته ساعت ماعرضتي الفكرة على الناس من عدم احترام حتى للكلام كرهني ان الواحد يعرض حاجة تاني ومايبصش غير لمصلحته بس وانا فعلا بدات اعمل كده افكر في نفسي بس مفكرش في حد مبيحترمش رايي ...عمري ماكنت اتوقع رد فعل الناس يبقى كده وخصوصا البنات لما جيت اكلمهم عايزة اقولك ان محدش حاول حتى انه يسمع ومن ساعتها وانا قلت خلاص اي فكرة ليا هحتفظ بيها لنفسي

واللهى يابنتى انا اتعبت من القسم ده الناس مش عارفة هيا بتفكر ازاى تعمليهم على انكوا زمايل مش نافع تعمليهم على انكوا اخوات برضه مش نافع علشان كده هاعمل زى ما كنت وهشتلرى دماغى واللى ربنا يقدرنى عليه فى مصلحتهم هاعمله (انا باعامل ربنا)

انا طبعا بعتذر عن التغيب الفترة اللى فاتت دى بس والله ربنا اللى يعلم..........
وعامة انا بعتذر عن عدم الاشتراك فى الموضوع ده عشان بجد جاى فى وقت صعب جدا بالنسبالى.....
عالعموم انا اسف مرة تانية....بس لاقيت انه زى ماقلت انى موافق قبل كده يبقى لازم اعتذر بنفس الطريقة...
عشان محدش يقول اننا فى الكلام حلوين اوى و فى الفعل مافيش؟؟؟
عامة لو اتعرض الموضوع تانى فى وقت تانى ان شاء الله نشترك....